សូម​ស្វាគមន៍​ ឯកឧត្តម លោកជំទាវ លោក លោកស្រី​ ចូលមកកាន់គេហទំព័រ យើងខ្ញុំ
ការិយាល័យព័ត៌មាន ៖ ០៩០ ៣៣៣ ២៣២​ / ០១៣​ ៣៣៣​ ៤៨៧

កុងត្រូល​ជជុះនៅ​ចំណុចផ្សារ​ត្រពាំង​រពៅ កំពុង​ផ្គើន​នឹង​បទ​បញ្ជា​រដ្ឋាភិបាល

បើទោះបីរដ្ឋាភិបាលប្រកាស លប់បំបាត់កុងត្រូលនៅតាមបណ្តាផ្លូវជាតិ គេនៅតែសង្កេតឃើញ កុង ត្រូលជជុះប៉ូលិសសេដ្ឋកិច្ច នៅ ចំណុចផ្សារត្រពាំងរពៅ តែងតែបានធ្វើសកម្ម ភាពប្រដេញនូវរថយន្តដឹកទំនិញឆ្លងកាត់កន្លែងគេ ហើយមិនព្រមឈប់ បង់លុយតាម គោលការណ៍។

ប្រជាពលរដ្ឋដែលដឹកទំនិញកសិផលនិងផលនេសាទជាពិសេសអ្នករត់ តាក់ស៊ី បាន ត្អូញត្អែរថា នៅពេលបង្កបង្កើនផលបានរួចដឹកយកទៅ លក់បានតំលៃថោក ហើយ មានកុងត្រូលជជុះចាំទារលុយច្រើនកន្លែងទៀត ។ ជាពិសេស កុងត្រូលជជុះដុះ ស្លែ មួយកន្លែង របស់ប៉ូលិសសេដ្ឋកិច្ចខេត្ត កំពត ដែលមានទីតាំង លើកំណាត់ផ្លូវជាតិ លេខ៣ ត្រង់ចំណុចមុខផ្សារ ត្រពាំងរពៅស្ថិត ក្នុងភូមិត្រពាំងរពៅ ឃុំព្រែកត្នោត ស្រុកទឹកឈូខេត្តកំពត ។

ប្រជាពលរដ្ឋអ្នករត់តាក់ស៊ីបានឲ្យដឹងថា ប៉ូលិសសេដ្ឋកិច្ចដែលដាក់កុង ត្រូលចាំជំរិតយកលុយប្រជាពលរដ្ឋ រកស៊ីដឹកទំនិញបន្តិច បន្តួច នៅចំណុចផ្សារត្រពាំងរពៅនោះមានឈ្មោះ ឆាយ សុខា និង គឹម ស៊ីថា បានបង្កើតស្នាក់ ការកុងត្រូលជជុះយូរឆ្នាំមកហើយ ធ្វើឲ្យប្រជា ពលរដ្ឋក្តៅក្រហាយ និងប៉ះ ពាល់សតិអារម្មណ៍យ៉ាងធ្ងន់ធ្ងរ។
ប្រជាពលរដ្ឋបាននិយាយរិះគន់ថា ការដាក់កុងត្រូលជជុះ ចាំកាក់រថយន្ត ដឹកទំនិញ របស់ពួកគាត់ដែល កំពុងរកស៊ីចិញ្ចឹមជីវិត ជាទង្វើដ៍អាក្រក់មួយ របស់ប៉ូលិសសេដ្ឋកិច្ចខេត្ត កំពតដែល មិនអាច លប់បំបាត់ បាន។

ប្រជាពលរដ្ឋអ្នករកស៊ីដឹកទំនិញ សូមឲ្យអាជ្ញាធរខេត្ត មេត្តា ចុះពិនិត្យ និងលប់បំបាត់កុងត្រូលជជុះ ប៉ូលិសសេដ្ឋកិច្ចនៅចំណុច ផ្សារ ត្រពាំងរពៅ ហើយប្រជាពលរដ្ឋសង្ឃឹមថាអាជ្ញាធរខេត្តកំពត និងមានវិធានការក្តៅទៅលើកុងត្រូលជជុះនេះតាមអនុសាសន៍ លោក ហ៊ុន សែន ជាមិនខាន ។

រយៈកន្លងមកនេះ បើទោះបីជាសម្តេច ហ៊ុន សែន ធ្លាប់បានព្រមានខ្លាំងៗ ដល់កម្លាំងប៉ូលិស ដែលមានគោលដៅតាមបណ្តោយផ្លូវជាតិទាំងអស់ ត្រូវ តែលុបបំបាត់ភាព អនាធិបតេយ្យក្នុងការដាក់កុងត្រូលជជុះក៏ដោយ ក៏ប៉ុន្តែរហូតមកដល់ពេលនេះ គេនៅតែសង្កេតឃើញ មានការ ដាក់កុងត្រូលជជុះជាច្រើនកន្លែង នៅតែ ប្រឆាំងផ្គើន នឹងចំណាត់ការលោក ហ៊ុន សែន ដោយមិនញញើតឡើយ ៕

Filed in: ព័ត៌មានជាតិ, ព័ត៌មាន​តាមដានសង្គម, ព័ត៌មានថ្មី, ស្រាវជ្រាវ និង សង្គម

Recent Posts

Bookmark and Promote!

© 1815 ខេមរបុត្រ | Khemarakbott News. All rights reserved. XHTML / CSS Valid.